D. Administraziun da l’ierta

I. En general

¹ L’administraziun da l’ierta vegn ordinada:

1.

sch’in ertavel è permanentamain absent senza avair fixà ina represchentanza, uschenavant che ses interess pretendan quai;

2.

sche nagin dals pretendents na po cumprovar suffizientamain ses dretg d’ierta u sch’igl è intschert, ch’in ertavel existia;

3.

sche betg tut ils ertavels dal testader n’èn enconuschents;

4.

en ils cas spezials ch’èn previs da la lescha.

² Sch’il testader ha designà in executur dal testament, sto l’administraziun vegnir surdada a quel.

³ Sch’il defunct steva sut ina curatella che cumpiglia l’administraziun da la facultad, alura è er l’administraziun da l’ierta chaussa dal procuratur, nun ch’i vegnia ordinà insatge auter.¹