A. Plant da nunvalaivladad

I. Inabilitad da disponer, voluntad manglusa, illegalitad u immoralitad

¹ Sin basa d’in plant vegn ina disposiziun per causa da mort declerada sco nunvalaivla:

1.

sch’il testader l’ha fatg durant in temp ch’el n’era betg abel da disponer;

2.

sch’ella n’è betg l’expressiun da la libra voluntad;

3.

sch’ella sezza u ina cundiziun agiuntada è immorala u illegala.

² Il plant da nunvalaivladad po vegnir inoltrà da mintgin che ha, sco ertavel u sco legatari, in interess che la disposiziun vegnia declerada sco nunvalaivla.