D. Intervenziun da l’autoritad per la protecziun da creschids

¹ Mintga persuna da confidenza dal pazient po appellar en scrit a l’autoritad per la protecziun da creschids e far valair:

1.

che la disposiziun dal pazient na vegnia betg ademplida;

2.

ch’ils interess da la persuna inabla da giuditgar sajan periclitads u betg pli garantids;

3.

che la disposiziun dal pazient n’exprimia betg sia libra voluntad.

² Las disposiziuns davart l’intervenziun da l’autoritad per la protecziun da creschids en cas dal mandat preventiv èn applitgablas tenor il senn.