C. Constataziun da la valaivladad ed acceptaziun

¹ Sche l’autoritad per la protecziun da creschids vegn a savair ch’ina persuna è daventada inabla da giuditgar e sch’ella na sa betg, sch’igl exista in mandat preventiv, s’infurmescha ella tar l’uffizi da stadi civil.

² Sch’igl exista in mandat preventiv, controllescha l’autoritad per la protecziun da creschids:

1.

sche quel è vegnì constituì valaivlamain;

2.

sche las premissas per sia valaivladad èn ademplidas;

3.

sch’il mandatari è adattà per sias incumbensas; e

4.

sch’i dovra ulteriuras mesiras da la protecziun da creschids.

³ Sch’il mandatari accepta il mandat preventiv, al renda l’autoritad attent a sias obligaziuns tenor las disposiziuns dal Dretg d’obligaziuns¹ davart il mandat ed al surdat in document che cuntegna sias cumpetenzas.