Art. 5 Premissas per entrar en Svizra

¹ Persunas estras che vulan entrar en Svizra:

a.: ston avair in document da legitimaziun ch’è renconuschì per passar sur il cunfin e ston avair in visum, sche quai è necessari;
b.: ston avair ils meds finanzials ch’èn necessaris per la dimora;
c.: na dastgan betg esser in privel per la segirezza publica e per l’urden public sco er per las relaziuns internaziunalas da la Svizra; e
d.⁸: na dastgan betg esser pertutgadas d’ina mesira d’allontanament u d’ina expulsiun tenor l’artitgel 66a u 66a^bis dal Cudesch penal (CP)⁹ u tenor l’artitgel 49a u 49a^bis da la Lescha penala militara dals 13 da zercladur 1927¹⁰ (LPM).

² Sch’igl è previs mo ina dimora temporara, ston ellas dar la garanzia ch’ellas partan puspè da la Svizra.

³ Per motivs umanitars, per motivs da l’interess naziunal u pervia d’obligaziuns internaziunalas po il Cussegl federal prevair excepziuns da las premissas per entrar en Svizra tenor l’alinea 1.¹¹

⁴ Il Cussegl federal determinescha ils documents da legitimaziun ch’èn renconuschids per passar sur il cunfin.¹²

⁸ Versiun tenor la cifra IV 3 da la LF dals 19 da zer. 2015 (midada dal dretg da sancziuns), en vigur dapi il 1. da schan. 2018 (AS 2016 1249; BBl 2012 4721).

⁹ SR 311.0

¹⁰ SR 321.0

¹¹ Versiun tenor la cifra I da la LF dals 21 da zer. 2019, en vigur dapi il 1. da dec. 2019 (AS 2019 3539; BBl 2019 175).

¹² Versiun tenor l’art. 127 LEI, en vigur dapi ils 12 da dec. 2008 (AS 2008 5405 art. 2 lit. a).

Art. 5 Condizioni d’entrata

¹ Lo straniero che intende entrare in Svizzera:

a.: dev’essere in possesso di un documento di legittimazione riconosciuto per il passaggio del confine e, se richiesto, di un visto;
b.: deve disporre dei mezzi finanziari necessari al soggiorno;
c.: non deve costituire un pericolo per l’ordine e la sicurezza pubblici né per le relazioni internazionali della Svizzera; e
d.⁸: non dev’essere oggetto di una misura di respingimento né di un’espulsione ai sensi dell’articolo 66a o 66a^bis del Codice penale (CP)⁹ o dell’articolo 49a o 49a^bis del Codice penale militare del 13 giugno 1927¹⁰ (CPM).

² Egli deve offrire garanzia che partirà dalla Svizzera se prevede di soggiornarvi soltanto temporaneamente.

³ Il Consiglio federale può prevedere eccezioni alle condizioni d’entrata di cui al capoverso 1 per motivi umanitari o di interesse nazionale oppure in virtù di obblighi internazionali.¹¹

⁴ Il Consiglio federale determina i documenti di legittimazione riconosciuti per il passaggio del confine.¹²

⁸ Nuovo testo giusta il n. IV 3 della LF del 19 giu. 2015 (Modifica della disciplina delle sanzioni), in vigore dal 1° gen. 2018 (RU 2016 1249; FF 2012 4181).

⁹ RS 311.0

¹⁰ RS 321.0

¹¹ Nuovo testo giusta il n. I della LF del 21 giu. 2019, in vigore dal 1° dic. 2019 (RU 2019 3539, FF 2019 171).

¹² Nuovo testo giusta l’art. 127 qui avanti, in vigore dal 12 dic. 2008 (RU 2008 5405 art. 2 lett. a).

Il presente documento non è una pubblicazione ufficiale. Fa unicamente fede la pubblicazione della Cancelleria federale. Ordinanza sulle pubblicazioni ufficiali, OPubl.
Il presente documento non è una pubblicazione ufficiale. Fa unicamente fede la pubblicazione della Cancelleria federale. Ordinanza sulle pubblicazioni ufficiali, OPubl.