¹ Las autoritads ch’èn incaricadas d’exequir questa lescha sa sustegnan ina l’autra tar l’adempliment da lur incumbensas. Ellas sa furneschan las infurmaziuns necessarias e sa dattan – sin dumonda – invista da las actas uffizialas.

² Autras autoritads federalas, chantunalas e communalas èn – sin dumonda – obligadas da communitgar las datas e las infurmaziuns ch’èn necessarias per exequir questa lescha.

³ Il Cussegl federal determinescha tge datas che ston vegnir communitgadas a las autoritads tenor l’alinea 1 en connex cun:

a.

l’avertura d’inquisiziuns penalas;

b.

sentenzias da dretg civil e penal;

c.

midadas concernent il stadi civil sco er ina refusa da maridar;

d.

retrair agid social;

d^bis.³⁰⁰

retrair indemnisaziuns da dischoccupaziun;

d^ter.³⁰¹

retrair prestaziuns supplementaras tenor la LPS³⁰²;

d^quater.³⁰³

mesiras disciplinaras d’autoritads da scola;

d^quinquies.³⁰⁴

mesiras d’autoritads per la protecziun d’uffants e da creschids;

e.³⁰⁵

autras decisiuns ch’inditgeschan l’existenza d’in basegn d’integraziun spezial tenor ils criteris da l’artitgel 58a;

f.³⁰⁶

...

⁴ Sch’ina autoritad tenor l’alinea 1 survegn, en applicaziun da l’artitgel 26a LPS, datas davart la retratga d’ina prestaziun supplementara, annunzia ella, senza vegnir intimada, l’eventuala nunprolungaziun u l’eventuala revocaziun da la permissiun da dimora a l’organ ch’è cumpetent per fixar e per pajar la prestaziun supplementara.³⁰⁷