¹ Las partidas pon:

a.

reglar sezzas la procedura da cumpromiss;

b.

reglar la procedura da cumpromiss tras in renviament ad in urden da procedura da cumpromiss;

c.

suttametter la procedura da cumpromiss ad in dretg da procedura da lur tscherna.

² Sche las partidas n’han betg reglà la procedura, vegn quella fixada da la dretgira da cumpromiss.

³ Il president da la dretgira da cumpromiss po decider sulet davart singulas dumondas da procedura, sche las partidas u ils auters commembers da la dretgira da cumpromiss l’han autorisà da far quai.

⁴ La dretgira da cumpromiss sto garantir il tractament egual da las partidas e lur dretg sin attenziun giuridica e realisar ina procedura cuntradictorica.

⁵ Mintga partida po sa laschar represchentar.

⁶ Cuntravenziuns cunter las reglas da procedura ston vegnir contestadas immediatamain, suenter ch’ellas èn vegnidas enconuschentas u fissan stadas d’enconuscher cun l’attenziun necessaria; uschiglio na pon ellas betg pli vegnir fatgas valair pli tard.¹⁸¹