¹ Decisiuns dal Tribunal federal che n’obligheschan betg da pajar ina summa da daners u da prestar ina garanzia en furma da daners ston vegnir exequidas dals chantuns da medema moda e maniera sco las sentenzias legalmain valaivlas da lur dretgiras.

² Percunter ston ellas vegnir exequidas tenor las suandantas disposiziuns:

a.

tenor ils artitgels 41–43 da la Lescha federala dals 20 da december 1968²⁶ davart la procedura administrativa: sch’il Tribunal federal ha decidì en ina chaussa che tutga en emprima instanza al champ da cumpetenza d’ina autoritad administrativa federala;

b.

tenor ils artitgels 74–78 PC²⁷: sch’il Tribunal federal ha decidì sin fundament d’in plant;

c.

tenor ils artitgels 74 e 75 da la Lescha dals 19 da mars 2010²⁸ davart l’organisaziun da las autoritads penalas: sch’il Tribunal federal ha decidì en ina chaussa penala che suttastat a la giurisdicziun federala.²⁹

³ …³⁰

⁴ Cunter in’execuziun manglusa poi vegnir fatg recurs tar il Cussegl federal. Quel prenda las mesiras necessarias.