¹ Il register central da las persunas assicuradas sco er il register central da las prestaziuns currentas (art. 71 al. 4) èn accessibels als suandants posts tras ina procedura d’invista:

a.

a l’Uffizi central da la 2. pitga, en il rom da l’artitgel 24d da la Lescha dals 17 da december 1993²⁶⁴ davart la libra circulaziun;

b.

a las cassas da cumpensaziun, als uffizis da la AI ed a l’uffizi federal cumpetent, per las datas ch’els dovran per ademplir las incumbensas attribuidas ad els tenor questa lescha e tenor la LAI²⁶⁵;

c.²⁶⁶

als assicuraders cunter accidents tenor la Lescha federala dals 20 da mars 1981²⁶⁷ davart l’assicuranza d’accidents, per examinar ils dretgs da las persunas che retiran rentas currentas;

d.²⁶⁸

a l’assicuranza militara, per examinar ils dretgs da las persunas che retiran rentas currentas.

² Il Cussegl federal regla la responsabladad per la protecziun da datas, las datas ch’èn da registrar e lur termins da conservaziun, l’access a las datas, la collavuraziun tranter ils utilisaders, la segirezza da las datas sco er la participaziun dals assicuraders cunter accidents e da l’assicuranza militara als custs.²⁶⁹