¹ Il dretg chantunal designescha la dretgira ch’è cumpetenta sco suletta instanza chantunala per:

a.

dispitas en connex cun la proprietad intellectuala, inclusiv las dispitas che concernan la nullitad, la titularitad, il licenziament, il transferiment e la violaziun da tals dretgs;

b.

dispitas dal dretg da cartels;

c.

dispitas davart l’utilisaziun d’ina firma;

d.

dispitas tenor la Lescha federala dals 19 da december 1986⁴ davart la concurrenza illoiala, sche la valur en dispita importa passa 30 000 francs u sche la Confederaziun fa diever da ses dretg da purtar plant;

e.⁵

dispitas tenor la Lescha federala dals 13 da zercladur 2008 davart la responsabladad civila per l’energia nucleara⁶;

f.

plants cunter la Confederaziun;

g.⁷

dispitas davart l’introducziun e la realisaziun d’ina controlla speziala tenor ils artitgels 697c–697h^bis dal Dretg d’obligaziuns (DO)⁸;

h.⁹

dispitas tenor la Lescha dals 23 da zercladur 2006¹⁰ davart las investiziuns collectivas, tenor la Lescha dals 19 da zercladur 2015¹¹ da las infrastructuras da finanzas e tenor la Lescha federala dals 15 da zercladur 2018¹² davart ils instituts da finanzas;

i.¹³

dispitas tenor la Lescha dals 21 da zercladur 2013¹⁴ davart la protecziun da las vopnas, tenor la Lescha federala dals 25 da mars 1954¹⁵ davart la protecziun da l’emblem e dal num da la Crusch Cotschna e tenor la Lescha federala dals 15 da december 1961¹⁶ davart la protecziun dals nums e dals emblems da l’Organisaziun da las Naziuns Unidas e d’autras organisaziuns interguvernamentalas.

² Questa instanza è er cumpetenta per ordinar mesiras preventivas avant l’entrada da la litispendenza d’in plant.