¹ Duas u pliras interpresas valan sco gruppa da finanzas dominada d’ina chasa da vaglias, sche:

a.

almain ina dad ellas è activa sco chasa da vaglias;

b.

ellas èn principalmain activas en il sectur da finanzas; e

c.

ellas furman in’unitad economica u i po vegnir supponì dad ellas pervia d’autras circumstanzas ch’ina u pliras interpresas suttamessas a la surveglianza individuala èn obligadas giuridicamain u sfurzadas facticamain da sustegnair autras societads da la gruppa.

² Sco conglomerat da finanzas dominà d’ina chasa da vaglias vala ina gruppa da finanzas tenor l’alinea 1 ch’è activa oravant tut en il commerzi cun vaglias ed a la quala appartegna almain ina interpresa d’assicuranza d’ina impurtanza economica considerabla.

³ Las prescripziuns da la LB²³ concernent las gruppas da finanzas e concernent ils conglomerats da finanzas valan tenor il senn.