¹ Sche la decisiun pretenda in’obligaziun da far, da tralaschar u da tolerar insatge, po la dretgira d’execuziun ordinar:

a.

ina smanatscha da chasti tenor l’artitgel 292 CP¹⁶⁵;

b.

ina multa disciplinara fin a 5000 francs;

c.

ina multa disciplinara fin a 1000 francs per mintga di che l’obligaziun n’è betg vegnida ademplida;

d.

ina mesira repressiva sco la confiscaziun d’ina chaussa movibla u sco la rumida d’in bain immobigliar; u

e.

in’execuziun d’uffizi.

^1bis Sche la decisiun cuntegna in scumond tenor l’artitgel 28b CCS¹⁶⁶, po la dretgira d’execuziun ordinar – sin dumonda dal petent – ina surveglianza electronica tenor l’artitgel 28c CCS.¹⁶⁷

² La partida che ha pers e terzas persunas ston dar las infurmaziuns necessarias e tolerar las perquisiziuns necessarias.

³ La persuna che sto far l’execuziun po pretender l’agid da las autoritads cumpetentas.