¹ Cunter las disposiziuns dal IPI e da la Cumissiun arbitradra poi vegnir fatg recurs tar il Tribunal administrativ federal.

² La procedura da recurs davant il Tribunal administrativ federal sa drizza tenor la Lescha federala dals 17 da zercladur 2005⁸³ davart il Tribunal administrativ federal e tenor la Lescha federala dals 20 da december 1968⁸⁴ davart la procedura administrativa (LFPA). Resalvadas restan las suandantas excepziuns:

a.

recurs cunter disposiziuns da la Cumissiun arbitradra n’han nagin effect suspensiv; ina concessiun da l’effect suspensiv en il cas singul è exclusa;

b.

l’artitgel 53 LFPA n’è betg applitgabel;

c.

per inoltrar ina consultaziun fixescha il Tribunal administrativ federal in termin da maximalmain 30 dis; quest termin na po betg vegnir prolungà;

d.

in’ulteriura correspundenza tenor l’artitgel 57 alinea 2 LFPA n’ha per regla betg lieu.⁸⁵