¹ A conjugals esters ed ad uffants nubils sut 18 onns da persunas cun ina permissiun da dimora po vegnir concedida e prolungada ina permissiun da dimora, sche:

a.

els abiteschan ensemen cun talas persunas;

b.

igl è avant maun in’abitaziun che correspunda als basegns;

c.

els n’èn betg dependents da l’agid social;

d.

els san communitgar en la lingua naziunala discurrida al lieu da domicil; e

e.

la persuna che vegn reunida na retira betg prestaziuns supplementaras annualas tenor la LPS⁶⁵ u na pudess er betg retrair talas prestaziuns en consequenza da la reuniun da la famiglia.

² Per la concessiun da la permissiun da dimora basta – empè da la premissa tenor l’alinea 1 litera d – l’annunzia ad ina purschida da promoziun linguistica.

³ La premissa tenor l’alinea 1 litera d na vegn betg applitgada per uffants nubils sut 18 onns.

⁴ La permissiun da dimora po vegnir concedida e prolungada sut la cundiziun ch’i vegnia concludida ina cunvegna d’integraziun, sch’igl è avant maun in basegn d’integraziun spezial tenor ils criteris da l’artitgel 58a.